Güei nun hai ritmu nin pedal. Empecé les practiques del ciclu formativu con un día mui productivu: mudanza de muebles de recepción de Gráu a Llanera pola mañana, y 2 hores y media sentáu nuna silla pola tarde.

Espero dir escribiendo algún post de música, que ya tengo algunos pensaos, sobre música que voi descargando pa la coleción y sobretou d’un tema que me presta: versiones de canciones; y de alguna ruta que espero la semana que vien entamar a salir a caminar, y algún día en bici.

Ente anoche y esta tarde descargué un conciertu de Fermin Muguruza y Kontrabanda en Anoeta, otru en México; el soníu del DVD Afro-Basque Fire Brigade Tour (FM); Indarrez de Zarama, que nel portatil tengo la discografía pero equí nun tenía nada; l’últimu de Asian Dub Foundation, l’últimu d’Etsaiak; varios de Sagarooi y Jabier Muguruza; una grabación pirata d’un conciertu d’Skalariak en México; varies recopilaciones de Ska Third Wave………y más coses, muchu: 2 Gb de ritmu.

Get your own Box.net widget and share anywhere!

Abro esti blog porque tenía otru que fui dexando apartáu, creo que más que por desgana, por sentir un cambiu na mio persona que nun me dexa seguir con él. Agora soi otru, y cambio de emisora.

Equí espero poder contar les mis esperiencies cola competición nel ciclismu, amás d’intentar reflexar los mios gustos y reflexones musicales. El porqué de dos coses tan diferentes: apasionenme.